2027ko Udal Aurrekontuaren 1,5 milioi euro herritarren eskura jarriko dituzte
Datorren urteko aurrekontu parte hartzaileak aurkeztuko dituzte datorren ostegunean, hilak 10, Palmera Monteron.
Datorren ostegunean, hilak 10, 2027ko aurrekontu parte hartzaileak aurkeztuko dituzte Palmera Monteron, 19:00etan, eta hilabete bat iraungo duen prozesuari hasiera emango diote. Hamabigarren edizioa izango da aurtengoa, eta beste urte batez, Udal Aurrekontuko 1,5 milioi euro herritarren eskura jarriko dituzte. Honela, prozesu orokorrerako 1,3 milioi euro eta gazteen prozesurako 200.000 euro bideratuko dituzte. Prozesuan 16 urtetik gorako irundarrek parte har dezakete, udal webgunearen bitartez.
Proposamenak aurkezteko epea datorren ostiraletik, hilak 11, hilaren 16ra izango da. Jasotako proposamenen artean hamahiru aukeratuko dituzte, eta hilaren 28tik 29ra bitartean egingo dute bozketa. Bozketan pertsona bakoitzak bost proposamen aukeratu ahal izango ditu.
Gainera, aurreko urteetan bezala, karpa informatiboa eta online bozketan laguntzeko karpa jarriko dituzte datozen egunetan. Hain zuzen, karpa informatiboa datorren asteazkenean, hilak 9, jarriko dute Jenaro Etxeandia plazan, 18:00etatik 20:00etara; eta online bozketan laguntzekoa, urriaren 2an, ostiralarekin, Zabaltza plazan, 18:00etatik 20:00etara.
Bestalde, Palmera Monteron egingo duten biletik beste hiru proposamen bozkatuko dituzte, eta horiek aurretik aipatutako hamahiru bozketekin batera azken bozketan sartuko dira. Guztira, hogei proposamen aurkeztuko dituzte azken bozketan. Hogeira heltzeko azken lauak Auzo Elkarteen Federazioaren (hiru) eta Herritarren Foroaren (bat) eskutik izango dira. Azken bozketan parte hartzeko epea urriaren 2tik 6ra bitarte izango da, eta udal webgunearen edota HAZen bulegoen bitartez bozkatu beharko dute.
