Irungo Hizkuntza Eskolarako izena emateko epea zabaldu dute
Dagoeneko izena eman daiteke euskara, alemana, frantsesa eta ingelesa ikasteko ikastaroetan; izena emateko azken eguna hilaren 16a izango da.
Iraila hastearekin batera, hizkuntzak ikasteko garaia heldu da. Dagoeneko zabalik dago Irungo Hizkuntza Eskolan 2026-2027 ikasturtean izena emateko epea, hilaren 16ra arte zabalduko da. Euskara, alemana, frantsesa eta ingelesa ikasteko aukera izango dute. Urtero bezala, ikastaroen ordutegien eskaintza zabala edukiko dute ikasleek. Ikastaroen ordutegiak eta bestelako informazio Irungo HEOren atarian kontsultatu daiteke.
Izen ematea Ikasgune webgunearen bitartez egin beharko dute ikasleek, eta ikasturteko kuotak 72,36 euroko prezioa izango du. Prezio horren baitan, bi azterketa-deialdi izango ditu ikasle bakoitzak. Onartutakoen zerrenda hilaren 25ean argitaratuko dute, eta hiru eguneko epea izango dute ordainketak egiteko. Ikasturteko lehenengo eskolak hilaren 28an, astelehenarekin, hasiko dira.
