Perturren memoria omenduko dute bihar, Etorbidea zubian
'Pertur. Egia nahi' lelopean, 12:00etan, ekitaldi publikoa egingo dute haren lagun eta kideek desagerpenaren 50. urteurrenean.
Eduardo Moreno Bergaretxe Pertur desagerrarazi zutenetik 50 urte pasa dira. 50. urteurrenean bere memoria bizirik eusteko omenaldia egingo dute bihar, hilak 25, Etorbidea zubian, 12:00etatik aurrera. Haren lagun eta kideek antolatuta, Pertur gogoratzen jarraitzeko, desagerpenaren egileak nortzuk izan ziren eta haren gorpuzkiak non egon litezkeen behingoz jakitera iristeko Pertur. Egia nahi ekitaldi publikoa egingo dute. Ekitaldian, bertan, haren agiria irakurriko dute.
Pertur donostiarra zen, eta Etorbidea zubian haren pista galdu zen. Irutxuloko Hitzak haren memoria bizirik eusteko hainbat erreportaje ondu ditu azken egunotan. Duela 50 urte ikusi zuten azken aldiz Eduardo Moreno Bergaretxe Pertur ETApm-ko militantea, 1976ko uztailaren 23an.
