Elkarrekin Irunek geltokiko obren gaineko informazioa falta dela salatu du
Paris eta Irun lotuko dituen AHT zerbitzua urtarriletik aurrera abian izango da, eta horren gaineko argitasun falta dagoela adierazi dute.
Urtarriletik aurrera, Irun eta Paris lotuko dituen AHT tren zerbitzua martxan jarriko dute. Aurreikuspenen arabera, Irungo tren geltokia prest egongo bere zerbitzua indartzeko, eta Espainiaren eta Frantziaren arteko mugikortasuna sustatzeko. Obrak ez dute etenik otsailean inauguratutako tren geltokian, eta horren gaineko kezka azaldu du Elkarrekin Irunek. Alderdi moreak salatu du Udal Gobernuak ez duela obren benetako egoerari buruzko informazio nahikorik eman.
Elkarrekin Irungo ordezkaria den David Nuñok argi adierazi du: “Azpiegitura estrategiko bati buruz ari garenez, are ulergaitzagoa da Udal Gobernuak orain arte herritarrei egutegi horrek izango zituen ondorioei buruz eskaini duen informazio falta”. Alderdikideak ez du ulertzen udalak zergatik “ez duen argitasun berarekin azaldu” lanak baldintzatzen duen egutegia. “Gardentasuna egia osoa kontatzea ere bada”.
“Zalantzan jartzen duguna da auzotarrei ahalegin handia eskatu izana, behar adinako informaziorik eman gabe, elkarrizketarik izan gabe eta haien atsedenaldia babesteko zer neurri hartuko ziren azaldu gabe”, azaldu du Nuñok. Horregatik, Elkarrekin Irunek udalari eskatu egiteke dauden aurrerapausoen egutegia bizilagunei aldez aurretik jakinaraztea.
“Europa ondo konektatutako hiri bat nahi dugu, baina baita bertan bizi diren pertsonak errespetatuko dituen hiri bat ere. Ez dira bateraezinak diren helburuak. Falta dena borondate politikoa da biak bateragarri egiteko eta, batez ere, gardentasuna herritarrei zer gertatzen ari den eta zergatik azaltzeko”.
