Udal Euskaltegiko udako ikastaro trinkoetarako izen ematea, maiatzaren 25ean
Ikastaro trinkoak uztailean eta abuztuan egingo dituzte, egunero lau orduko klaseekin; izen ematea ekainaren 5era arte irekita egongo da.
Uda etortzearekin batera, bueltan dira Udal Euskaltegiak antolatutako udako ikastaro trinkoak. Aurten, bi txanda antolatuko dituzte: lehenengo txanda uztailaren 2tik 30era izango da; eta bigarrena, abuztuaren 3tik 31ra. Egunero lau orduko klaseak eskainiko dituzte, 9:00etatik 13:15era. Maiatzaren 25ean ikastaro hauetan izena emateko epea irekiko dute, eta ekainaren 5era bitarte, zabalik egongo da.
Ikasleen maila guztietara egokitutako ikastaroak izango dira, eta udan ere euskara ikasteko edo hobetzeko garaia dela adierazi du Sandra Caballero Hezkuntza eta Gazteria ordezkariak. Aurtengo berritasuna, LANNAHI egitasmoaren onuradunek izango dute. 20 euro ordaindu beharko dute ikastaro bakoitzeko.
Ikastaroetarako izen ematea udalaren egoitza elektronikoaren bitartez egin beharko dute edo hiriko autozerbitzu terminalak erabilita. Izen ematea egin ondoren, mailaketa proba egiteko 943 50 52 73 telefonora deitu beharko dute hitzordua eskatzeko.
