Oier Duhart Dominguezen kartelak iragarriko ditu aurtengo jaiak
Sanpedro eta sanmartzial jaiek badute kartela, 'Eguna iritsi da' lana izan da aurtengo jaietarako aukeratutako kartela.
Sanpedro eta sanmartzial jaiak iristear dira, eta egitaraua zehaztuta egon ez arren, gaur jaiak iragartzeko kartelaren irabazlea argitu dute. Oier Duhart Dominguez irundarra aurtengo kartel lehiaketaren garailea izan da, eta alardeko trajea islatu du Eguna iritsi da lanean. Bost finalisten artean, berarentzat izan dira 1.200 euroak. “Ekainaren 30ean Irungo etxe guztietan bizi den emozioa transmititu nahi izan dut kartel garbi eta ezagun baten bidez, egun horrek eskaintzeko duen guztiari aurre egiteko prest dagoen esekitoki batekin”, adierazi du egileak.
Aurtengo kartel lehiaketan 1.586 bozka zenbatu dituzte, eta horietatik 442 Duhartek eskuratu ditu. “Eskerrak eman nahi dizkiet lehiaketara aurkeztu diren guztiei, izan duten inplikazio eta ilusioagatik, eta baita euren botoarekin iaz baino parte-hartze handixeagoa ekarri duten pertsonei ere”, adierazi du Cristina Laborda alkateak.
Jaiek kartel bakarra izango duten arren, irundarrek beste proposamenak ezagutzeko aukera izango dute. Ekainaren 12tik 28ra, biak barne, asteartetik larunbatera 18:00etatik 21:00etara eta igande eta jaiegunetan 11:30etik 13:30era bisitatu ahal izango dute.
Halaber, aurtengo accesita saria Maria Jose Blanco Balerdi irundarrarentzat izan da. Elkarrekin batera lanaren egileak 300 euro irabazi ditu.
