Martindozenea gaztelekuak bizikletentzako aparkaleku estalia izango du
Hiriko lehen udal aparkaleku estalia izango da gaztelekuaren ondoan, eta hamabi bizikletentzako tokia izango du.
Martindozenea Gaztelekuak bizikletentzako aparkaleku estali berria izango du. Gaur estreinatu dute, hiriko lehena izango da. Hiriko mugikortasuna jasangarria izan dadin hartutako neurria da, herritarrek bizikleta gehiago erabili dezaten. Aparkalekua gaztelekuko sarreraren ondoan instalatuko dute, eta estalkiaren azpian hamabi bizikletentzako tokia egongo da. “Gazteek eguneroko garraiobidetzat bizikleta erabiltzea bultzatuko dugu”, adierazi du Gorka Alvarez Obrak, Mantentzea eta Azpiegituren ordezkariak.
Gaztelekua konexio handia du hiriko bidegorriekin, “ondo konektatuta dago”. Ildo beretik, Sergio Javierrek, Mugikortasun Jasangarriko ordezkariak, kokapena oso egokia dela berretsi du. “Bidegorria ondo-ondotik pasatzen da, eta, ondorioz, sareak are zentzu handiagoa hartzen du herritarren artean”.
Proiektua Irungo Hiri barruko Mugikortasun Jasangarrirako Planaren helburuekin bat dator. Plana 2024an onartu zuten, eta helburuen artean, bizikletaren erabilera bultzatzea erabaki zuten: hiriko bidegorri sarea hobetzea eta leku estrategikoetan bizikletak aparkatzeko toki erosoak sortzea. Proiektuaren lanak Urbycolan enpresak egingo ditu, eta aurrekontua 20.1722,97 eurokoa izango da.
