Oiasso museoak zeramikak duen garrantzia lantzeko udako ikastaroa antolatuko du
UIK Udako Ikastaroak Fundazioak 10 orduko ikastaroa antolatuko du uztailaren 2an; historia, arkeologia eta ondareari buruz ikasteko.
Udararen etorrerarekin batera, bueltan dira Oiasso museoak antolatutako udako ikastaroak. Denok mahaira! Baxerak eta zeramikazko ontziak erromatar inperioaren eguneroko bizitzan tailerra antolatuko dute. Aurtengoa 10 orduko ikastaroa izango da, uztailaren 2an hasita. Ikastaro hauen bitartez, historia, arkeologia eta ondarea ezagutzeko aukera izango dute, beti ere, zeramikan oinarrituta.
Zeramika erabilera hutseko objektu izateaz gain, erromatar inperioaren desberdintasun sozialen isla zuzena izan zen. Material horiek funtsezko alderdiak berreraikitzeko aukera eman zuten urte luzez, askotan luxuari lotuta. Elena Torregaray EHUko Antzinako Historiako irakasleak eta Oihane Mendizabal arkeologoak zuzenduko dute, eta ikastaroetan parte hartu nahi dutenek izena eman dezakete hemen.
