Abian da haurrek eta gazteek euskara hobetzeko Udagiro
Herri Jakintza Euskaltegiak 10 eta 16 urte arteko haurrek euskara lantzeko bi txanda antolatuko ditu, uztialean eta abuztuan.
Aurten ere haurrek eta gazteek euskara trebatzeko aukera izango dute udan. Bueltan da Herri Jakintza Euskaltegiak antolatutako Udagiro egitasmoa, eta aurten bi txanda egingo dituzte. Lehenengo txanda uztailaren 6tik 24ra iznago da; bigarrena, berriz, abuztuaren 3tik 21era. Txandak 9:30etik 11:30era eta 11:30etik 13:30era izango dira. Ikastaro hauen bitartez, 10 eta 16 urteko haurrek euskararekin dituzten zailtasunak gainditzeko laguntza izango dute klase ludikoen bitartez.
Programa honetan, 2024/2025 eta 2025/2026 Irungo ikasturteetan eskolatutako LH5 eta LH6 mailako edo DBHko ikasleek parte hartuko dute. Guztira zazpi talde osatuko dituzte, lau uztailean eta hiru abuztuan. 2025/2026 ikasturtean Irunera etorritako ikasleek lehentasuna izango dute.
Udako oporraldian ere euskaraz hitz egiteko doako programa da. Ikasturtean zehar euskaraz ikasi dutena udan ere indartzeko aukera izango dute programa honen bitartez. Euskara irakasteaz harago doan programa da, euskara gizartean integratzeko lanabesa ere baita. “Hizkuntz berri bat ikasi behar duzunean. Udagiro programak euskara sustatu eta hirian integrazioa bultzatzen du”, adierazi du Josu Iguiñizek.
