Ezezagunok antzerki taldeak 2026ko Max Amateur saria irabazi du
Antzerki inklusiboaren esparruan egindako lana saritu dute, sari banaketa ekainaren 1ean izango da Meridako Erromatar Antzokian.
Ezezagunok Antzerki Taldea inklusioaren, lana eta konpromisoaren eredu da. 2007an sortutako talde irundarrak sariak pilatzen jarraitzen du, eta berriki 2026ko Amateur Max saria irabazi du. Antzerki inklusiboaren esparruan egindako lana aitortu diote konpainiari, eta ia 20 urteko ibilbidean egiundako lanaren aitorpena jaso dute. Antzerkia gizarteratzeko, elkarbizitzarako eta sorkuntza partekaturako tresna bilakatu du Ezezagunok taldeak. Amateur Max saria arte eszenikoen aintzatespen garrantzitsuenetako bat da, eta ekainaren 1ean jasoko dute Meridako Erromatar Antzokian.
Iaz ere momentu berezia bizi zuten Irunen antzerki taldearen kideek. 2025eko sanmartzialetako pregoia botatzeko ardura izan zuten, eta ekainaren 23an udaletxetik jaiei hasiera ofiziala eman zieten.
“Sari honek talentua, ahalegina eta ilusioa aitortzen die antzerkiari, elkartzeko eta elkarrekin hazteko leku bihurtu duten pertsona askori”, eskertu du Cristina Laborda alkateak. SGAE Fundazioak ere taldeari eskerrak eman nahi izan dizkio udal erakundeak utzitako espazio batean sortu eta hazten jarraitzen duen ekimen bat izateagatik.
Bestalde, 2026ko Ohorezko Max Saria Jesus Cimarrorentzat izan da. Antzerki ekoizle ermuarrak Bidasoako Nazioarteko Zinemaldi Arkeologikoaren Jaialdiarekin (FICAB) eta Oiasso museoarekin lotura zuzena du, eta orain arte egindako lana aitortu diote.
