Sardinaren ehorzketaren desfileak trafiko aldaketak eragingo ditu
Bihar, asteartearekin, trafikoan aldaketak izango dira sardinaren ehorzketa eta Zanpantzarraren erreketa dela eta, 19:15etik 21:15era.
Inauteriez betetako asteburua pasa dute Irungo hiritarrek, bihar, asteartearekin, agur esango diote aurtengo inauteriei. Sardinaren ehorzketak eta Zanpantzarraren erreketak bukaera emango diete sei eguneko egitarau zabalari. Konpartsak Kolon pasealekutik San Juan plazarainoko ibilbidea egingo du, Foru karrika eta Kale Nagusitik barrena.
Azken desfilea dela eta, trafiko mozketak izango dira Erdialdean, 19:15etik 21:15era. Legia, Pikoketa, Aldapeta, Fueros eta Joaquín Gamón kaleetako sarrera Gipuzkoa hiribidetik eta Luis Marianotik egin beharko dute, ohiko noranzkoaren kontra. San Juan aldageltokiko sarbidea desgaituta egongo da 19:30etik 21:15era bitartean, eta Kolon pasealekutik zirkulatu beharko dute, libre geratzen denean, Hondarribirako noranzkoan. San Martzial kalea itxita egongo da Juncal kalearekiko bidegurutzetik aurrera 20:30etik 21:15era.
Desfile bukatu bitartean, kaleak itxita mantenduko dituzte oinezkoen segurtasuna bermatu ahala murrizketak kenduko dituzte. Taxi eta Irunbus zerbitzuak aldaketak izango ditu 19:00eko irteeratik 21:00eko irteera arte.
