Oiasso museoak 44.000 bisitari izan ditu 2025ean
Museoak errekor historikoa izan du 20. urteurrenean, horietatik herena (14.000 pertsona inguru) irundarrak izan dira.
Oiasso MuseoaIrungo Udala 2025. urtea izugarria izan da. Oiasso museoak inoizko bisitariak izan zituen iaz, eta urtean zehar 44.000 pertsona bertaratu ziren. Aurreko urteetako goranzko joerari eusten dio museoak, eta apirilean estreinatutako terma erromatarrak mugarri izan dira. Bisitarien herena Irungo herritarrak dira, hain zuzen, 14.000 pertsona inguru.
Cristina Laborda alkatea pozik dago terma erromatarrek izan duten harreragatik, eta horrek zerikusi handia izan du errekorra lortzeko. “Oso harrera ona izan dute, 2.000 urte geroago berriro ere ikusgarri egon ostean. Nabarmen gainditu ditu urtearen hasieran egindako aurreikuspenak”.
20. urteurreneko data esanguratsuena: datorren uztaileko 20a izango da. Dies Oiassonis jaialdiaren XVI. edizioa uztailaren 15etik 19ra izango da. Jaialdia amaitu eta hurrengo astelehenean izango da egun garrantzitsuena, jaialdi erromatarrari jarraipena emango baitio. Bestalde, Irugurutzetako interpretazio-zentroa eta Txikito Trena martxan jarriko dira 2026an. Berrikuntza horiek FITUR azokan aurkeztuko dira, eta aukera emango dute museoko eskaintza kultural eta turistikoa handitzeko.
