San Tomas Eguneko egitaraua aurkeztu dute
Urtero legez, Urdanibia plazan ospatuko dute, eta azoka tradizionala eta sei txosna jarriko dituzte, hauek 10:00etan irekiko dituzte.
Gaur goizean aurkeztu dute San Tomas Eguneko egitaraua. Irungo Udala Giro ona nagusituko da berriro Urdanibia plazan igandean, San Tomas Eguna dela eta. Gaur aurkeztu dute egun osoko egitaraua, eta ohiko den bezala azoka tradizionalak egunari hasiera emango dio, 9:30ean. Bertako produktuen 22 postu jarriko dituzte, eta horrez gain, animalien erakustaldiak ere izango dira egunean zehar.
10:00etan, ordea, jana eta edanarako ordua ailegatuko da. Aurten sei txosna jarriko dituzte plazan: C.D Behobia, Mi Dulce Guerrero Contra la Diabetes 1, C.C Irunés, Irungo Txirrindularitza Elkartea, Fanfarre Los Trankilos, Lapurtxulo Kultur Elkartea eta C.D Waterpolo Urgara Txingudi izango dira.
Musikak eta dantzak ere presentzia izango dute egunean zehar. Hainbat erakustaldi egingo dituzte dantza zein soinu talde hauek. 11:00etan Txorimaloak Soinu Taldea eguneko lehen erakustaldia egingo dute. Talde hauek ere parte hartuko dute: Adaxka Dantza Taldea, Eraiki Dantza Taldea, Elatzeta Abesbatza¡, Musika eta Dantza Eskola eta Udal Kontserbatorioa, AuntxaTrikitixa Taldea, Ibarla Meaka Dantza Taldea eta Meaka Euskal Dantza Taldea, eta azkenik, Kemen Dantza Taldea. Aurten, Burrunba Elektrotxarangak egunari amaiera emango dio, 21:30ean hasita.
Eguraldiak laguntzen ez badu jarduera hauek Uranzuko frontoi txikira lekualdatuko dira. Aldaketa hauek ohiko udal kanalen bidez jakinaraziko dira. Azoka txikia dela eta, trafikoan eta autobus-zerbitzuan ere aldaketak izango dira.
