Patinete elektrikoa erabiltzeko asegurua izatea ezinbestekoa izango da
Udalak arau aldaketen berri emango die patinete elektrikoen erabiltzaileei, urtarrilean indarrean jarriko dira.
Informazio guztia diptiko honetan azalduko dute. Irungo Udala Mugikortasun segurua bermatzeko Udalak patinete elektrikoen legedian aldaketak egingo ditu, eta patinete elektrikoen zirkulazioko erantzukizun zibilari eta aseguruei dagozkienak. Horren berri eman nahian, informazio kanpaina abiatu dute, eta diptiko bat banatzen ari dira egunotan zenbait hezkuntza zentrotan.
Honekin batera, Ibilgailu Pertsonal Arinen legea sortu dute. Urtarrilaren 26tik aurrera, orain arte ibilgailu motorduntzat hartzen ez ziren ibilgailu guztiek erantzukizun zibileko aseguru bat izan beharko dute. Alegia, 25km/h-tik gora egiten dutenek edo 25kg baino gehiago pisatzen dutenek eta 14km/h-ra iristen direnek autoaren edo motorraren nahitaezko aseguruaren antzekoa beharko dute. Aseguru hori ez edukitzeak ibilgailua ibilgetzea ekarriko du.
Trafikoko Zuzendaritza Nagusiak kudeatutako erregistro publiko berri batean erregistratu beharko dira. Ziurtagiria edo identifikazio plaka ikusgarria eraman beharko dute. 2027ko urtarrilaren 22tik aurrera patinete elektriko homologatuek bakarrik zirkulatu ahal izango dute.
Bestalde, gogorarazi dute debekatuta dagoela espaloietan eta oinezkoen guneetan zirkulatzea, eta pertsona bakarrak erabiltzeko direla. Nahitaez patinete elektrikoek frenoak, txirrinak, argiak eta islatzaleak izan beharko dute, eta kaskoa eramatea gomendatzen da ibilgailu horien istripu tasa handia dela eta.
