Airearen kalitatea neurtzeko hiru ekipo berri jarriko dituzte
Elizatxo hiribidean, San Juan plazan eta Behobia auzoan jarriko dituzte ekipo berriak, eta estazio mugikorra Kolon pasealekuan jarriko dute.
2024an jarritako aire neurgailuak. Udaleko Garapen Jasangarriko arloak jakinarazi duenez, airearen kalitatea neurtzeko hiru ekipo berri instalatuko dira, monotorizazio-sarea handituko dutenak. Hiru ekipo berriak Elizatxo hiribidean, San Juan plazan eta Behobia auzoan jarriko dituzte gaur eta bihar artean, hilaren 18 eta 19 artean. 2024ko maiatzean lehen zortzi neurgailu jarri zituzten Next Generation EU funtsen finantziazioarekin.
Bestalde, Eusko Jaurlaritzaren Airearen Kalitatea Kontrolatzeko Sareko estazio mugikorra Kolon pasealekuan jarriko dute, eta datorren urteko urtarriletik aurrera martxan egongo da. Estazio honek datu baliagarriak biltzen jarraitzeko ezinbestekoa izango da.
Borja Olazabal Garapen Jasangarriko ordezkariak: “Gure helburua Irun hiri bizigarria izaten jarraitzea da eta bertakoek bere egunerokoa hemen garatzea nahi baita”. Horretarako, oso garrantzitsua da airearen kalitateari buruzko azterlanaren jarraipena egitea.
