VIII Emakumeen Hondarribiko Xake Ttopara egin dute Kasino Zaharrean
Marlaxka Xake Klubak Indarkeria Matxistaren Kontrako Egunaren harira xake topaketa antolatu du.
Xake topaketaren parte hartzaileak.Hondarribiko Marlaxka Xake Kluba Indarkeria Matxistaren Kontrako Eguna dela eta, Hondarribiko Marlaxka Xake Klubak zortzigarren aldiz, emakumeen xake topaketa antolatu zuen atzo, hilaren 24a. Txapelketa Kasino Zaharrean antolatu dute, eta erritmo azkarreko partidak izan dira. Honekin, adin guztietako emakumeak xake taularen inguruan biltzeko deia egin dute. Topaguneak maila guztietako emakumeak biltzen ditu, eta jolasa erraza eta atsegina izatea du helburu.
Aurtengo edizioan 18 emakumek hartu dute parte, eta xakeaz gozatzeko aukera izan dute txapelketan. Aurtengo irabazlea Nora Lera Cuñado izan da, hainbat partida irabazita. Marlaxkarekin elkarlanean, Hondarribiko Udalak eta Emeki elkarteak ere parte hartu dute.
Hurrengo urteari begira, parte hartzaileen konpromisoa bera izatea espero dute antolatzaileek. Topaketa honek gizarte bidezkoago baten aldeko konpromisoa indartzeko balio du.
