Gorakadan jarraitzen dute aireportuko datuek
Iazko urrian baino %21,6 aireratze eta lurreratze gehiago izan dira aurten; 43.450 bidaiari izan dira urrian zehar aireportuan.
Hondarribiko aireportuko urriko datuak iragarri ditu Aenak. Hilean zehar, 43.450 bidaiari izan ziren aireportuan. Iazko urriarekin alderatuta, %1,8ko gorakada izan du bidaiari kopuruak. Aireratze eta lurreratze kopuruak kontuan hartuta, gorakada handiagoa da, %21,6koa zehazki. Osotasunean 619 operazio izan ziren pistan.
2025eko datuak jakiteko soilik bi hilabete falta dira, baina lehenengo 10 hilabeteak kontuan hartuta, 5.712 lurreratze eta aireratze izan dira bertan, iaz baino %10,7 gehiago. Bidaiari kopuruari dagokionez, 408.607 izan dira orain arte Hondarribiko aireportutik pasa direnak, iazko lehen 10 hilabeteetan baino %3,2 gehiago.
