ILCA 4 Espainiako Kopan aritu da June Olazabal
Lehen sailkapen egunak erraz pasa zituen hondarribiarrak, eta azken egunean seigarren geratu zen bere kategorian.
Simone Staff / Seaster Media Asteburuan Kataluniako uretan egin den ILCA 4 Espainiako Kopan egon da June Olazabal hondarribiarra. Txapelketara ahul iritsi zen, egun batzuk lehenago pairatutako gaixotasun batengatik, baina halere, erraz egin zituen lehenengo bi sailkapen egunak, urrezko taldean sailkatuz. Finalaren egunean, itsaso bortitza izan zen, haize eta olatu gogorrekin, eta Olazabalek 6. postua lortu zuen 18 urtetik beherako emakumeen artean; sailkapen orokorrean 40. izan zen.
