GazteArtean: Hamarkada bat artista gazteen lana sustatzen
GazteArtean Expo programaren balantzea egin dute gaur; hamarkada batean 30 artista gazteren lana sustatu du.
GazteArtean Expo programak hamarkada bete dut martxan jarri zutenetik, eta balantzerako tartea hartu dute. Helburu argi batekin jarri zuten martxan azaldu dutenez, artista gazteen lana eta sorkuntza sustatzea, eta behar bezala bete du egitekoa. Izan ere, hamarkada batean, 39 izan dira Martindozenea Gaztelekutik pasa diren tokian-tokiko artista gazteak. Hamaika diziplinetan ari dira horiek, gainera. Bertan aritu direnak Cristina Juaniz-Micrisantemo, Maialen Arozena, Sarah Grandes-Hache, Nestor Otaño-Nexgraff edo Oihane Pardo-Amarenak, besteak beste.
Sandra Caballero Hezkuntza eta Gazteria ordezkariak eman ditu datu horiek gaur egindako agerraldian eta nabarmen jarri du programa bultzada dela euren proiektuek argitara ateratzeko tokiko artistentzat, “euren lana ezagutzera emateko aukera ezin hobea da, eta gainera, Irungo nerabe eta haurrengan eragitea dute erakutsitako lana gerturatzeko antolatzen diren tailerren bidez”. Ideia trukaketa hori oso positiboa dela gaineratu du udal ordezkariak, “askotan inspirazio iturri baita eremu honetako artisten etorkizunera begirako erakusketetarako”.
GazteArtean Expo programak herritar gazteenen sorkuntza eta jakin min artistikoa garatzeko bide lagun izan nahi du, “artista gazteen eta herritar gazteenen arteko ikasketa partekatua sustatu nahi dugu, parte hartzea bultzatuz, artea lanabes hartuta”. Programaren gakoetako bat Martindozeena gaztelekuarekin duen lotura dela adierazi dute gaurko agerraldian, artista gazte guztiek tailerrak egin baitituzte bertan nerabeekin: “Tailer horien bidez artista bakoitzaren sorkuntza lana ezagutzeko aukera izatearekin batera, sorkuntza bidearen errelatoa entzutea ere badute, balioak, zein bizi eta lan ibilbideak ere. Hori horrela, inspirazio iturri bilaka daitezke hastapen fasetan diren talentu berrientzat”.
Ane Gomez hondarribiarraren erakusketa
Une honetan Ane Gomez hondarribiarraren erakusketa da zabalik Martindozenean; azaroaren 14ra arte izango da ikusteko aukera. Xehetasuna du oinarri erakusketak, lan handiago batetik aukeratutako zati txikiak handituta sortuak, “minimoan unibertso abstraktua aurkitu du, ikusgarri eta autonomo bilakatuz. Ez da sortutako lana, bere baitan berraurkitutakoa baizik”.
GazteArtean Expo KREA oprogramaren barruko lan ildo garrantzitsuena dela ere azaldu dute gaurko agerraldian, “tokiko talentuak sustatzea du helburu KREAk eta horretarako lehen esperientziak jartzen ditu sortzaileen eskura”.
GazteArtean Expon aritu diren sortzaileak
• 2015: Iñaki Frotun eta Oier Gil.
• 2016: Malmö, Maite Rosende, Pili Aguado, Maialen Arocena, Jone Superhero, Mikel Etxeberria eta Marcos Navarro.
• 2017: Marifix Arias, Udane Juaristi, Joseba Larratxe, Jon Juarez, Litle Maddi, Amarenak eta Olaia Martínez.
• 2018: Jessica Martín, Berskate, Telmo Iridoi, Andrea Escargot, Miriam Loidi eta Irrimarra.
• 2019: Ana Lupe Iridoi, Josu González, Sandra Garayoa, Blai Pasaia eta Alaia Gaztelumendi.
• 2020: Ibon Azpilikueta, Andrea Costas eta The Local SS.
• 2021: Amlu eta Micrisantemo.
• 2022-23: Sarah Grandes, Ainara Azpiazu, Nextor Otaño, Emilie Filgueira eta Anne Isi.
• 2025: Luis Tolosa eta Ane Gómez.
