Gran Soleko 'Gato Basque' pintxoak irabazi du Euskal Herriko Pintxo Lehiaketa
Hondarribiko Itsas Etxea Auditoriumean gauzatu da lehiaketaren hogeigarrena. Saria etxean geratu da. Bigarren eta hirugarren sariak Gasteizera joan dira.
Hondarribiko Gran Sol tabernako sukaldariek irabazi dute Euskal Herriko Pintxo Txapelketaren XX. ekitaldia. Iñigo Tizon y Alberto Loro izan dira lehiaketan parte hartu duten sukaldariak eta Gato Basque pintxoa izan da aurkeztu dutena: oilasko-gisatua eta almendra hautsa daraman pastel bat da Gato Basque, eta barruan Gâteau Basque-ak daramaten bezala, gerezi zaporeko gel bat ezarri zioten. Osagai horiekin gozoaren eta gaziaren arteko oreka bilatu dute sukaldariek.
Bigarren saria Gasteizko Toloño jatetxeko Mitxel Suarezek jaso zuen eta hirugarrena Gazteizeko Dolar jatetxeko Juan Garciak eta Ivan Fernandezek.
Hondarribiko Itsas Etxea Auditoriumean gauzatu da lehiaketaren hogeigarrena, eta saria etxean geratu zen. Epaimahaia Nur de Fez jatetxeko Najat Kaanachek; Bidarteko Les Frères Ibarboureko Xabi Ibarbourek; Madrilgo Osa jatetxeko Sara Peralek; Iruñeko Kabo jatetxeko Aaron Ortizek; eta Benalmadenako Aviva jatetxeko Juan Jose Carmonak osatu zuten.
Hondarribiko Ostalaritza Elkarteak urtero ohorezko saria banatzen dute, eta aurten Luis Cepeda kazetari, idazle, editore, eta enpresa gizonak jaso du saria, gastronomiaren alorrean, eta bereziki, pintxoen alorrean egin duen dibulgazio lanagatik. Monika Sunsundegiren eskutik jaso zuen saria.
