Antonio Mateo Realen erakusketa inauguratuko dute bihar
Ostiralean (hilak 17) egingo dute inaugurazioa, 19:00etan, Luis Lainsarekin komisariotzapean. Azaroaren 16ra arte egongo da ikusgai.
Antonio Mateo Realek paisaia nagusi duen erakusketa bat ondu du, eta bihar (hilak 17, ostirala) inauguratuko dute Amaia KZn Luis Lainsaren komisariotzapean. Azaroaren 16ra arte egongo da ikusgai.
Aurkezpena 19:00etan izango da, eta Nuria Alzaga lehen alkateorde eta Kulturako ordezkariak eman ditu xehetasunak: “Betidanik esan izan dugu Kultura Zerbitzuaren helburua Irun inguruko espresio artistiko guztiak sustatzea dela, Antonio Mateoren obra barne. Hiriak eta arteak oso harreman estua izan dute betidanik, eta erakusketa honek, hain zuzen, biak bateratzen ditu”.
Erakusketa honekin, aurrekoekin egin duten bezala, katalogo bat argitaratu dute, eta hiru euroan dago salgai.
Amaia KZko erakusketa aretoa asteartetik igandera dago zabalik, honako ordutegian: asteartetik larunbatera 18:00-21:00 artean eta igande eta jaiegunetan 11:30-13:30 artean.
