Ander Aramendi, Nerea Sarriegi eta Iñaki Mujika dira Txingudi korrikako irabazleak
Mugak gainditzen dituen 10 kilometroko lasterketa da Txingudi korrika. Aurtengo edizioan 639 lasterkarik eta 4 handbikek hartu dute parte.
Inmobiliaria URME Txingudi korrikako 26. ekitaldiko podiumaMikel Sarriegi Atzo goizean Inmobiliaria URME Txingudi Korrikaren 26. ekitaldia gauzatu zen. Mugak gainditzen dituen 10 kilometroko lasterketa da eta aurtengo edizioan 639 lasterkarik eta 4 handbikek hartu zuten parte. Iaz baino dezente gehiago.
Eguna bustitik hasi bazuten ere, goizeko 10:00etatik aurrera lehiatzeko giro ezin hobea izan zuten lasterkariek. Lehenik handbiken irteera eman zuten, eta ondoren, korrikalariena. Hendaiako Florida Kaitik irten, Irun erdigunea gurutzatu eta Hondarribiko atletismo pistan helmugaratu ziren.
Ander Aramendi, Nerea Sarriegi eta Iñaki Mujika izan ziren irabazleak, nor bere kategorian. Aramendik 31:57 minutu behar izan zituen, Sarriegik 39:51 minutu eta Mugikak (handbike modalitatean) 21:47 minutu.
Larunbatean, aldiz, Laboral Kutxa Txingudi Korrika Txiki gauzatu zen. 350 haurrek baino gehiagok parte hartu zuten Irungo Gal estadioan egin ziren lasterketa probetan. Antolatzaileen arabera giro dibertigarri eta familiarra bizi izan zuten bertaratu zirenek.
Sailkapenak
Gizonak:
- 1. Ander Aramendi (31:57 min)
- 2. Mikel Aramendi (32:14 min)
- 3. Jose Antonio Gomez de Arriba (32:19 min)
Emakumeak:
- Nerea Sarriegi (39:51 min)
- Idoia Nogales (40:10 min)
- Joana Elçaurhandieta (40:11 min)
Handbikeak:
- 1. Iñaki Mujika (21:47 min)
- 2. Jon Galarraga (21:50 min)
- 3. Mikel Goikoetxea (27:18 min)
Sailkapena osorik ikusteko egin klik hemen.
