"Giro apartean" iragan zen Hondartza Bolei Txapelketa Herrikoia
Laugarrenez antolatu du txapelketa Harresi Bolei Klubak. Helduen 24 taldek, kadeteen hiruk, eta haurren bik parte hartu zuten.
Aurreko larunbatean, abuztuaren 30ean, laugarren Hondartza Bolei Txapelketa Herrikoia antolatu zuen Harresi Bolei Klubak. Aurtengo edizioa “giro apartean” igarotzea ahalbidetu zuten 29 taldek hartu zuten parte: helduen 24 talde, kadeteen hiru eta haurren bi.
“Eguraldi ona” lagun, 09:00etan hasi zuten txapelketa, lehiak zozketa bidez erabaki ondoren. Helduen artean, Estanco Agirrek irabazi zuen Grupo Unoren aurkako finala. Kadete eta haurren artean Peña Bolei eta Agian taldeek irabazi zuten, hurrenez hurren.
