Mugikortasun urrituko guneak ezarriko dituzte jaietan
Irailaren 5etik 11ra egingo dituzten zenbait ekitalditan mugikortasun urrituko guneak erabiltzeko hilaren 31ren aurretik eman behar da izena. San Gabriel egoitzako egoiliarrentzako eremu bat erreserbatuko dute irailaren 8rako.
Azken urteetako ohitura jarraituz, aurten ere mugikortasun urrituko guneak ezarriko dituzte jaietan, irailaren 5etik 11ra. Gune hauek erabili ahal izateko igande (hilak 31) aurretik izena eman behar da BAZera edo udalaren webgunera joz.
Horrez gain, San Gabriel egoitzako egoiliarrentzako leku bat erreserbatuko dute Sabino Arana kalean irailaren 8ko arratsalderako.
Mugikortasun urrituko guneak:
- Irailaren 6an, kantineren aurkezpenean, Gipuzkoa plazan.
- Irailaren 7an, udal ordezkarien aurreskuan, Arma plazan.
- Irailaren 8an, goiz eta arratsaldez, Kale Nagusian (bretxan).
- Irailaren 8an, arratsaldez, Martxoak 8 plazan.
- Irailaren 5etik 11ra, Bentako eszenatokian.
