Jaitzubiako auzotarrak festan murgilduko dira ostiralean
Auzoko jaiak ospatuko dituzte, egun osoko egitarau batekin. Denetik izango da, haur, gazte eta helduentzako.
Jaitzubiako auzotarrek dena prest dute festarako, ostiralean (hilak 15) ospatuko baitituzte auzoko jaiak. Egun osoko egitarau oparoa ondu dute auzotarrek elkarlanean, urteko egun handienetako bat behar bezala ospatzeko. Urteroko dianarekin ekingo diote egunari, eta egunean zehar kirolak, ekintzak, zozketak, musika, bazkaria…. Denetik izango da, ez da aspertzeko tarte eta aitzakiarik izango.
Gogoan izan auzoko kamisetak salgai izango direla egun osoan zehar.
Honakoa da egitaraua:
- 8:00: Diana.
- 9:45: Meza.
- 10:20: Pilota partida eta bertsolariak (Sustrai Colina eta Nerea Elustondo).
- 12:20: Tortilla lehiaketa eta gaztelu puzgarriak (tortilla etxetik eraman beharko da).
- 12:30: Toka txapelketa.
- 14:30: Herri bazkaria eta Trikitrioa (Erreserbak 636 25 84 38 telefonoan). Helduen menuak 30 euroko prezioa du; haurrena berriz, 15 eurokoa.
- 17:00: Haur jokoak.
- 18:00: Herri kirolak.
- 18:30: Txokolatada eta gaztelu puzgarriak.
- 20:00: Trikitrioa.
- 22:00: Rifa zozketa (bi lagunentzako bazkaria Beko Errotan eta auzoko produktuen saskia).
- 22:30: Zezen suzkoa eta musika.
- 23:00: Piroteknia eta Usategieta “Bingo Nocturno”.
