Eskola kirola eta etxebizitza, Gobernu Batzarrean hizpide
2025etik 2027rako Eskola Kirola programaren kudeaketa kontratazioa onartu zuten atzo Gobernu Batzarraren ohiko bilkuran. Bestetik, etxebizitza arloan bi lan onartu dituzte: Mariana etxeko etxebizitza, aparkaleku eta trastelekua gehitzeko birgaitze lanak eta Iparralde hiribideko 14 zenbakian igogailua jartzeko lanak.
Irungo Udala.Izaro Perez Loperena. Gobernu Batzarrak ohiko bilkura egin zuen atzo, hilaren 4an, eta zenbait erabaki hartu zituen.
Batetik, Eskola Kirola 2025-2027 programaren kudeaketarako kontratazioa onartu zuten: 790.012,15 euroko aurrekontua gehienez eta bi urteko iraupena.
Bestetik, etxebizitzari dagokionez, Zuberoa kaleko 5 zenbakiko Mariana etxean hiru etxebizitza, sei aparkaleku eta bi trasteleku gehitzeko eraikinaren zati bat eraisteko eta handitzeko birgaitze lanak egiteko lizentzia onartu zitzaion Domiak Promociones Inmobiliarias SLri, baita zenbateko batzuk ordaintzeko eskatu ere. Horrez gain, Iparralde Hiribideko 14 zenbakiko eraikinean igogailua jartzeko lanak egiteko lizentzia onartu zitzaien jabekideei.
