Hondarribia Baltsanen bigarren edizioa, igandean
Kirola, inklusioa eta elkar ezagutzea helburu dituen egitasmoa da Hondarribia Baltsan. Atzegiko 130 kirolarik eta herriko bost kirol klubek parte hartuko dute.
Hondarribiko Udalak Atzegi elkartearekin eta herriko hainbat kirol elkarteekin batera Hondarribia Baltsan jardunaldi inklusiboaren bigarren edizioa antolatu dute. Kirola, inklusioa eta elkar ezagutzea helburu dituen egitasmoa da eta iaz sekulako arrakasta izan zuen. Hori dela eta, aurten ere errepikatu nahi izan dute.
Igande honetan (hilak 18) Atzegiko kirolariak herriko bost elkarteetako kirolarirekin elkartuko dira eta elkarrekin kirol jardueraz gozatuko dute. Atzegitik 130 kirolari bertaratuko dira, eta arraunean, futbolean, surfean, oinez edota palan aritzeko aukera izango dute. Ondoren, eguna borobiltzeko bazkari erraldoia egingo dute, Soroeta pilotalekuan 250 lagunentzako bazkaria prestatuz.
Hondarribia Arraun Elkarteak, HS2 elkarteak, Erlaitz Mendi elkarteak, Hondarribia Futbol elkarteak, Emeki elkarteak eta Hondarribia Pilota eskolak parte hartuko dute egitasmoan.
