Emakumeen Etxea ezagutzeko saioa, udal euskaltegian
Emakumeen Etxea Irungo Auzoetan dinamikarekin etxea ezagutarazi nahi dute eta hura hobetzeko proposamenak entzun.
Irungo Emakumeen Etxea 2023an ireki zen eta haren berri emateko Emakumeen Etxea Irungo Auzoetan ekimenarekin dabiltza Irungo Udala eta Emakumeen Etxea elkartea. Irungo auzoetara gerturatzen ari dira eta oraingoan Parte Zaharrera hurbilduko dira, hilaren 21ean.
Udal euskaltegiko bigarren solairuan (Urdanibia plaza) elkartuko dira, 18:30ean eta Ana Egiazabalek bakarrizketa bat egingo du klown formatuan. Gero, Emakumeen Etxea hobetzeko proposamenak helarazteko aukera egingo dute “gune ezagunagoa, irisgarriagoa eta erakargarriagoa” izan dadin herriarentzat.
Hurrengo auzoak Katea, Behobia eta erdialdea izango dira, apirilaren 11n, maiatzaren 9an eta irailaren 19an, hurrenez hurren.
