Emakumeak Korrika, Emekiren eskutik
Bigarren aldiz antolatu du Emekik Emakumeak Korrika topaketa. Hilaren 24an izango da.
Hilaren 24rako antolatu du Emekik bigarren Emakumeak Korrika topaketa, Hondarribiko Udala eta Eroskirekin batera. Korrika eginez edo oinez parte hartzeko aukera egongo da aurten ere.
Oinezko martxa 10:00etan abiatuko da, korrika, ordea, 11:00etan, eta 150 pertsonarentzako tokia egongo da. Molla 1 kaletik abiatu eta bost kilometroko ibilbidea egin ondoren hasitako kale berean bukatuko da lasterketa. Egunean bertan eman daiteke izena bost euroren truke Emekiren egoitzan 9:30etatik aurrera.
Zalantza edo galderarik duenak emekiemakumelkartea@gmail.com helbidea erabili dezake.
Lasterketaren biharamunean itxiko da Emakumeen Aurkako Indarkeriaren Nazioarteko Egunagatik antolatutako egitaraua, Sare morea ehuntzen topaketa eta M8 asanbladak deitutako elkarretaratzearekin.
