Urdanibia Berrin haurtxokoa irekiko dute larunbat honetan
Inauguraziorako hainbat jarduera antolatu dituzte. Seigarren haurtxoko hau urtarrilaren 2ra arte egongo da irekita eta barrutiko beharrak identifikatzeko baliatuko dute.
Irungo seigarren haurtxokoa irekiko dute larunbat honetan, Urdanibia Berrin. Hain zuen, Eihera plazako 1 eta 2 zenbakietan egongo da lokala, Uztarri Ona auzo elkartearen egoitzaren ondoan. Inaugurazioa 11:00etatik 13:00etara izango da eta gune berria ikusteko aukera egongo da.
Horrez gain, hainbat jarduera egingo dira, doan, eta haurrei eta familiei begirakoak izango dira. Egitarauaren parte izango dira Badut taldearen animazioa, Zirkozaurre gunearen zirku tailerrak eta haur txokoko hezitzaile taldearen eskulan tailerrak, eta haurtxokoan bertan, auzo elkartean eta plazan egingo dira.
Haur txoko hau hurrengo urteko urtarrilaren 2ra arte egongo da zabalik, eta barruti honetako eskaria detektatzeko baliatuko dute haurtxoko hau. Zerbitzu hau 4 urtetik 8 urtera bitarteko haurrei zuzendutakoa izango da, eta gainontzeko haurtxokoetan bezala, sormena sustatzeko proposamen estimulatzaile, hezigarri eta dibertigarriak eskainiko dituzte. Xedea, txikiek abilezia sozial, kultural eta artistikoak garatzea da.
