Ezkontzea buruan dutenek hitzordua dute Ficoban
'Los muñecos de la tarta' ezkontzen azoka egingo da asteburu honetan Ficoban. Zortzigarren edizioa izango da eta bost postu berri egongo dira.
Asteburu honetan, hilaren 19tik 20ra, Los muñecos de la tarta ezkontzen azoka nagusia egingo da beste behin Ficoban. Zortzigarren edizioa izango da, eta ezkontzetarako zerbitzuetan espezializatutako hogei postu elkartuko dira, bikoteei beraien ezkontza planifikatzen laguntzeko: soinekoak, trajeak, argazkiak, bideografia, bitxiak, animazioa, bidaiak, dekorazioa, gastronomia…
Aurtengoan bost erakusketari berri batuko dira urteko hitzordu honetara, ekitaldiari “freskotasuna eta berritasuna” emateko. Horiek izango dira Swell Kombi, El Corte Ingles bidaiak, Aqua Vitae, Mauboussin bitxigileak eta A&B shows animatzaileak. Erakustari guztien zerrenda honako lotura honetan topa daitezke.
Ilarak saihestu nahi dituenak aurretik izena eman dezake azokaren orrialde ofizialean. Bertan dagoen inprimakia bete behar da horretarako. Azoka 11:00etatik 14:00etara eta 16:00etatik 20:00etara egongo da irekita. Aparkalekua doakoa izango da, ohi moduan.
