Agenda 2030en hamabigarren helburuarekin hasiko dira
Irungo zazpi ikastetxek 'Ekoizpen eta kontsumo jasangarria' helburuari helduko diote. Udalerriko diagnostiko bat egingo dute.
Agenda 2030 programaren barruan hamabigarren helburua lantzen hasiko dira Irungo zazpi ikastetxe. Ekoizpen eta kontsumo jasangarria izango da helburua eta udalerriko diagnostiko bat egingo dute.
Bi ikasturtetako lana izango da eta ikasturte honetan gaiaren inguruko sentsibilizazioa bideratuko dute, eta udalerri mailako diagnostikoa egingo dute. Gainera, diagnostikotik ateratako ondorioekin eta proposamenekin udalerri mailako esku hartze plan bat diseinatuko dute ikasleek.
Bigarren ikasturtean, berriz, esku hartze planarekin hasiko dira eta bildutako proposamenak errealitatea bilakatzeko. Proiektu bateratu batekin segituko dute aurrera, udalerriko ikastetxeen artean elkarlanean eta zentro ezberdinetako ikasleen artean sareak eraikiz.
Programa honetan parte hartuko dute Haur Hezkuntzako, Lehen Hezkuntzako, Bigarren Hezkuntzako eta Batxilergoko ikasleek. Adin guztietako ikasleak ahalduntzea du egitasmoak xede, ikasleak eragile aktiboak bilakatuz eta sarean lan egitea lortuz.
Irungo Udaleko Hirigintza eta Garapen Iraunkorreko arloak sustatzen du programa hau, Berritzegune Nagusiarekin lankidetzan eta Eusko Jaurlaritzaren Ekonomiaren Garapen, Jasangarritasun eta Ingurumen Sailaren babesarekin.
