Jasone Ugarte aukeratu dute EAJren Uri Buru Batzarraren lehendakari
Joan den astean egindako Udal Batzarrean, gainera, talde berria aukeratu zuten jeltzaleek, "indartsua eta gaztea".
Joan den astean, Irungo EAJk Jasone Ugarte aukeratu zuen Uri Buru Batzarraren lehendakari. Horretarako, Udal Batzarra egin zuten. Saio horretan, hortaz gain, Uri Batzar Berria osatuko duten kideak aukeratu ziren, eta jeltzaleek indarra eta gaztetasuna ordezkatuko dutela adierazi dute. Izan ere, honakoak izango dira aurrerantzean hiriko jeltzaleen ordezkariak: Iulen Arana, Izaskun Izagirre, Iñaki Zunzundegi, Josean Eizagirre, Irene Kastezubi, Carlos Martin eta Ibane Yarritu. Irun “hiri hobea egiteko eta irundarrek bizi duten errealitateari erantzuteko gogotsu dauden pertsonak” direla adierazi dute, ohar bidez.
Bere aldetik, Ugarte lehendakari berriak talde berriari konfiantza helarazi nahi izan dio, lidergo berria “arduratsua eta berritzailea” izango delakoan, eta “pertsona guztientzat” lan egiteko prest egongo dena. Hortaz gain, jeltzaleak aurrerantzean balio abertzale eta sozialen eramaile izango direla azpimarratu du Ugartek, betiere “lankidetza oinarri hartuta”.
Jasone Ugartek Euskal Herriko Unibertsitatean egiten du lan, Ikasleen eta Enplegagarritasunaren Errektoreordetzan. Orain artean, bestela, Bidasoa-Oiartzun barrutia ordezkatuz Gipuzkako Batzar Nagusietan aritu da.