Elena Mendizabalen lana ulertzeko, tailerrak
Menchu Gal aretoan dago Elena Mendizabalen lana ikusgai eta artelanak ulertzeko tailerrak egingo dira Eguberrietan.
Menchu Gal aretoan Elena Mendizabalen obra batzuen erakusketa dago oraintxe, ley propia. Udalak erakusketa hori probestu du tailerrak egiteko, beste askotan egin moduan, eta abenduaren 26, 27, 28 eta 29an izango dira, 16:00etatik 18:00etara.
Tailerra didaktikoa izango da eta erakusketa gehiago ulertzeko prestatutakoak dira. Hartara, lehenik, ibilbide bat egingo dute erakusketan barrena bertaratzen direnek, “irudimena pizteko eta artelanari buruz hausnartzeko”. Jarraian, erakusketan oinarrituta jolasean arituko dira eta bakoitzak bere eskultura sortuko du.
Izen ematea, abenduaren 4tik 21era bitartean egin beharko da, udalaren webgunean sartuta.
