Atzegiren azken kanpainarekin bat egin du udalak
Aurtengo leloa 'Ni prest nago, eta Gipuzkoa?' izango da, eta Atzegiko iturrien arabera, "adimen desgaitasuna duten pertsonek administrazio publikoan legez dagozkion 100tik 2 langileko postuak sortzea aldarrikatuko" du.
Hondarribiko Udalak Atzegi elkartearen kanpaina berriarekin bat egin du. Aurtengo leloa Ni prest nago, eta Gipuzkoa? izango da, eta Atzegiko iturrien arabera, “adimen desgaitasuna duten pertsonek administrazio publikoan legez dagozkion 100tik 2 langileko postuak sortzea aldarrikatuko” du.
Aste honetan Irunen izan dira elkarteko kideak, bidasoarrei kanpainaren berri ematen. Bertan ordezkaritza izan zuen Hondarribiak, Josu Peña Gizarte kohesiorako zinegotzia izan baitzen.
“Adierazi behar dugu, Atzegi elkarteak, Gipuzkoan eragin handienetakoa duen elkarte bat dela. Adimen desgaitasuna duten pertsonen alde, egunero gelditu gabe aritzen da. Boluntaritza mailan ere, Gipuzkoan boluntario gehien elkartzen dituen elkarteetako bat da. Erronka polita dugu aurretik”, esan zuen zinegotziak.
