Ostirala, Bordari eta Satarka Lehiaketan lanak aurkezteko azken eguna
«Euskararen erabilera bultzatu, idazle berriak sortu eta idazteko zaletasuna eta literatur sorkuntza suspertzeko» asmoz sortutako lehiaketa honek 38 edizio beteko ditu jada.
Udal ordezkariekin batera izan dira irabazleak. Hondarribiko Udalak dena prest du Bordari eta Satarka Literatur Lehiaketaren beste edizio baterako. Ostiralean (hilak 15) itxiko dute aurtengo lehiaketan aurkezteko epea. BAZen aurkeztu daitezke lanak, edo bestela, webgune honetan.
«Euskararen erabilera bultzatu, idazle berriak sortu eta idazteko zaletasuna eta literatur sorkuntza suspertzeko» asmoz sortutako lehiaketa honek 38 edizio beteko ditu jada. Urtero bezala, bi sari banatuko dituzte: Bordari ipuin saria eta Satarka olerki saria.
Parte hartu ahal izateko lanak euskaraz beharko dute izan, argitaratu gabeak eta beste inon saritu gabekoak. Ipuinak 3 folio izango ditu gutxienez eta 10 gehienez; olerkiak aldiz, 50 lerro izan beharko ditu gutxienez, eta 150 gehienez.
Oinarriak eta baldintza guztiak, lotura honetan kontsultatu daitezke.
