Jaietan kanpoko barrak jartzeko eskaerak gaurtik aurkez daitezke

Tabernen kanpoaldean barrak ezartzeko asmoa duten ostalariek jada aurkez ditzakete eskaerak, hilaren 22ra arte.

Establezimenduaren kanpoaldean barra jarri nahi duten ostalariek baimena eskatu beharko dute.

Hondarribiko ostalaritza negozioek jada eska ditzakete irailean izango diren Hondarribiko Jai Nagusietan beren establezimenduen kanpoaldean barra bat jartzeko baimenak. Gaur zabaldu da eskaerak egiteko epea, eta hilaren 22an bukatuko da.

Hala, nahi duten establezimenduek udalean baimena eskatu beharko dute, erregistro elektronikoaren bitartez. Bertan Eskabide Orri Orokorra bete beharko dute, barraren kokalekua eta iraupena eta definituz (muntaketa eta desmuntatze egunak).

Eskaera orriarekin batera, inguruaren plano bat aurkeztu beharko dute, non barra irudikatuta agertu beharko den, horren dimentsio orokorrak adieraziz. Epez kanpo sartzen diren eskaerak onartuko ez dituztela ohartarazi du udalak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.