Euskara arloko diru laguntzak eska daitezke
Guztira 37.600 euro banatuko ditu udalak. Zabalik da eskaerak egiteko epea, eta hala mantenduko da irailaren 15era arte.
Kanpoko errotulazioa euskaratutako establezimenduentzat, 1.800 euro. 
Hondarribiko Udalak 2023ko euskara arloko diru laguntzen deialdia kaleratu du. Zabalik da laguntzok eskatzeko epea, eta hala mantenduko da irailaren 15era arte. Hemen klik eginda bidera daitezke eskaerak.
Euskararen erabilera sustatzen duten ekintzei laguntza ekonomikoa emateko laguntzak dira. Euskara Batzordeak izango du haiek aztertzeko ardura, eta guztira 37.600 euro banatuko ditu udalak. Horra tipologiak:
- 16 urtetik beherakoentzat udako ikastaroak antolatzen dituzten ikastetxeentzat, 9.800 euro.
- Euskara sustatzeko ekintzak antolatu dituzten talde edo elkarteentzat, 7.000 euro.
- Euskalduntze eta alfabetatze ikastaroak egin dituzten 16 urtetik gorako herritarrentzat, baita euskarazko barnetegi edo ikastaroetara joandako herritarrentzat, 17.000 euro.
- Kanpoko errotulazioa euskaratutako establezimenduentzat, 1.800 euro.
- Webgunea euskaratutakoek 2.000 euroko laguntzak eskatu ahal izango dituzte.
