UDAL ETA FORU HAUTESKUNDEAK

Arratsaldeko parte hartzean ere beherakada, hiru puntukoa

Goizean ia bi puntu eta erdi jaitsi bada, arratsaldeko parte hartze datuek ere behera egin dute. 2019arekin alderatuta, %3,4ko beherakada izan da 18:00ak arte.

Goizean bezala, arratsaldeko parte hartze datuak ere eman berri ditu Espainiako Gobernuak. Goizean beherako joera izan da (2019arekin alderatuta), eta arratsaldean tendentzia hori berretsi da Hondarribiko hauteslekuetan. 14:00ak arte ia bi puntu eta erdiko jaitsiera jasota bazegoen, arratsaldekoak ere behera egin du, hiru puntuko beherakada izan da.

18:00ak arte %51,27ko parte hartzea jaso da, 2019an ordu berean %54,67koa izan zenean. 7.249 lagunek eman dute botoa 18:00ak arte (13.501 hondarribiar daude deituta gaur), 2019an baino 327 lagun gutxiagok baliotu dute botoa emateko aukera. Hau da, parte hartzeak behera egin du, %3,4 hain zuzen ere.

Gauean parte hartze datu ofizialen zein emaitza guztien berri emango du HITZAk.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.