Gizarte erabilerari begirako espazioak gaituko dituzte lehen fasean emigrazio eraikinean. Lanak hilabete amaieran hasi, eta bederatzi hilabetean amaituta izatea aurreikusi dute.
Emigrazio eraikina historikoari auzorako erabilera eta espazio garrantzitsuak ematea da helburua 
Emigrazio eraikinaren lehen faseko lanak esleitu ditu Irunvik gaur goizean. Iparragirre Eraikuntzak Lanak SL enpresak egingo ditu lan horiek eta hilabete amaieran hasita, bederatzi hilabeteko epean amaituta izatea aurreikusi dute. Lehen fase horretarako 2.283.476,72 euroko inbertsioa egingo dute. Eraikinaren lanen lehen fasea burututa, espazio hori “belaunaldien arteko topagune” bihurtuko dela auzoarentzat esan du Irunvik, “Emigrazio eraikin historikoari auzorako erabilera eta espazio garrantzitsuak ematea da proiektuaren helburua”.
Eraikinari hiru erabilera nagusi esleitu dizkiote Irunvik lizitatu eta koordinatutako proiektuan: Auzorako gizarte ekipamendua—lehenengo fasea—, gizarte etxea — bigarren fasea, 2.235 metro koadro izango dituena guztira—, eta gazteentzako alokairuko etxebizitza publikoa —hirugarren fasea—.
Auzorako ekipamendu sozialerako espazioak, adinekoentzako lokal bat, haurtxokoa, liburutegia eta auzo elkartearen egoitza barnebilduko ditu.
Lehenengo faseko lanak amaituta ekingo diote beste bi faseak egi egiteko lanei.
