Zenbait dominekin itzuli dira bidasoarrak Durangon jokatutako Euskadiko Kluben Txapelketatik.
BATeko kirolariak, Durangon. 
Joan den larunbatean Euskadiko Kluben Txapelketa jokatu zuten Durangon (Bizkaia), aire zabaleko denboraldiari hasiera emanez. Bidasoa Atletiko Taldeak (BAT) ordezkaritza izan zuen, eta zenbait dominekin itzultzeko gai izan dira.
Gizonezkoen taldeak hirugarren postua eskuratu zuen, Real Sociedad eta Durango taldeen atzetik sailkatu ziren. Asier Zarandonak lehen postua eskuratu zuen disko jaurtiketan; Jon Matey ere lehena izan zen altuerako saltoan; Juan Errandoneak urrezkoa poltsikoratu zuen salto hirukoitzean; Mario Estanga pertikan ere azkarrena izan zen; eta Aritz Leonet ere azkarrena izan zen, 3.000 metroko lasterketan hain zuzen.
Gonzalo Tamayo bigarren izan zen pisuko jaurtiketan; Joaqin Alonso, Urko Navarro, Iñaki Sanz eta Iker Anglada ere bigarren izan ziren erreleboetan; eta Adrian Marzo bigarren heldu zen helmugara 110 metro hesietan.
Bi hirugarren postu ere poltsikoratu zituzten asteburuan. Niko Gomez hirugarren izan zen xabalina jaurtiketan eta Jon Unzueta ere, oztopoz betetako 3.000 metroko proban.
Emakumezkoen taldekoak laugarren postuarekin konformatu behar izan dira. Irene Muriedasek urrezkoa eskuratu zuen disko jaurtiketan, eta ondorengo sei kirolariek bigarren postu bana eskuratu zuten: Lissette Arreaga, Malen Orduña, Eunate Martinez, Izaro Irastorza, Pinar Polo eta Ainoa Hortelano. Goizane Garcia eta Hiart Ibargurenek, azkenik, brontzezko domina bana eskuratu zuten.
