Batzoki aurrean ospatuko dute eguna jeltzaleek, 12:00etatik aurrera. Ikurrinaren igoerarekin hasiko dute eguna.
Irungo batzokia. 
Igandeko Aberri Eguna ospatzera deitu ditu irundarrak EAJ taldeak. Batzoki aurrean ospatuko dute eguna jeltzaleek, 12:00etatik aurrera. Ikurrinaren igoerarekin hasiko dute eguna. Hildako alderdikideak oroitzeko ere probestuko dute igandekoa, hori aurreratu dute eta Nabartenea abesbatzak musika emanaldia eskainiko duela.
Era berean, etxeko leku ikusgarriren batean ikurrinak jartzera gonbidatu dituzte herritarrak. “Jar ditzagun gure ikurrinak gure leiho eta balkoietan, gizon eta emakumeen zerrenda luze batek Euskadiren eta bere pertsonen eskubideen alde egindako bidea gogoratzeko. Baina begira diezaiogun ere etorkizun hurbil horri, erantzunak eta proiektuak behar dituen horri. EAJ beti egon da hor, eta hor jarraituko du. Beti laguntzeko, proposatzeko eta irundarren interesak defendatzeko prest!. Ospa dezagun gure eguna, euskaldun guztion eguna, inoiz baino elkartuago, barruan dugun onena ateraz”.
