Festak eztanda egingo du Karrika Nagusian
Asteazkenean (hilak 31) San Ramon Jaiak ospatuko dituzte auzotarrek, egun osoko egitarau oparoa prestatu du Alde Zaharra-San Juan Auzo Elkarteak.
Giro polita izan da poteoan. Irudian, bikote bat dantzan. Bi urteko parentesiaren ondoren, Irungo Karrika Nagusiko auzotarrak prest daude San Ramon Jaietarako. Datorren hilaren 31ean (asteazkena da) ospatuko dituzte aurtengo jaiak, Alde Zaharra-San Juan Auzo Elkarteak “egitarau xume bat” aurkeztu berri du Karrika Nagusiko zaindariaren egun handia ospatzeko. Denbora luzez landutako egitaraua dela erantsi dute elkartekoek, “auzokide eta irundarren elkargune den eguna ospatzen jarraitzeko ilusio eta gogoekin” aritu dira lanean.
Aurtengoa 29. edizioa izango da, eta elkarteak herritarrak eskertu ditu, “festa hau urtez urte mantentzeagatik”.
Ondorengoa da asteazkenerako prestatu duten egitaraua:
- 9:00: Diana.
- 11:00: Meza Siervas de Jesus Kaperan.
- 11:45: Santuaren jaitsiera.
- 12:15: Atzokoak Abesbatzaren emanaldia.
- 12:30: Salda.
- 18:00: Musika animazioa Peña Poteo Txarangaren eskutik.
- 18:30: Umeentzako Txokolatada.
- 19:00: Umeentzako (15 urtetik beherakoak) Nazioarteko Esapartina Jaurtiketa Lehiaketa.
- 19:30: Helduentzako (15 urtetik gorakoak) Esapartina Jaurtiketa Lehiaketa.
- 20:15: DJa.
- 23:30: Karrika Nagusiko Jaitsiera.
