Hondarribiko Udalak babes ofizialeko etxebizitzak eraikitzeko lursail berriak eskatu beharko lituzkeela uste du koalizioak.
2018ko abenduaren 12an Hondarribiko udalak elkarlanerako hitzarmena sinatu zuen Visesa, Babes publikoko etxebizitza eta hiri birgaitzea eta berritzea sustatzeko Eusko Jaurlaritzaren sozietate publikoarekin. Akordio horretan jasota zegoen 84 etxebizitza berri eraikitzeko aukera, baita 938 metro koadro sortzea establezimendu komertzialentzat, eta garaje berriak ere.
Proiektuen idazketa lanak hasi ziren, baina, arazo geoteknikoengatik, zenbait espazioren (aurreikusiriko hiru soto pisuak) egikaritzea bertan behera uztea erabaki zuten aldeek. Hitzarmen berria sinatzerakoan, udalak konpromisoa hartu zuen egoeraren detailea jasoko zuen ikerketa bat egiteko, eta horretan funtsatuta, azken eraikuntza erabakiak hartzeko.
Dokumentu hori oinarri, honakoa eraikitzea erabaki zen: establezimendu komertzial bat, babes ofizialeko alokairuko 66 etxebizitza, dagokien aparkalekuekin, eta beste 55 aparkatzeko toki, udalaren eskumenpean egongo direnak. Aurreikusita dago lanak 2023 urtearen hasieran abiatzea.
Orube publiko gehiago eskatu du PSE-EEk
Udalbatzako PSE-EE alderdiak uste du aipaturiko planak Hondarribian dagoen babes ofizialeko etxebizitzen arazoa “arindu” nahi duela. Hori horrela izanik ere, jarduketa gehiago behar direla esan dute: “Espero dugu laster akordio berriak lortu ahal izatea. Beharrezkoa da udalak orube publiko gehiago proposatzea, hau bezalako proiektuetarako”.
Jaso ezazu HITZA etxean 7 hilabetez 35€ soilik ordainduta.
Euskaraldian harpidetzen direnen artean, Bertsolari Txapelketa Nagusiaren finalerako bi sarrera zozkatuko ditugu!
Zure ekarpena behar dugu, babestu Oarsoaldeko eta Bidasoko euskarazko komunikabidea.
