Errepikatuko al dute joan den asteburukoa?
Joan den asteburuan, jokoan izan ziren ligako bost estropadetatik lautan irabazi zuten Oarso Bidasoko traineruek.
Joan den asteburuan, udako arraun ligetako bost estropada izan ziren jokoan: Eusko Labeleko biak irabazi zituen Hondarribiak, ETEkoa Hibaikak, eta KAE1ekoa San Juanek. KAE2koan Lapurdi izan zen garaile. Beraz, bostetik lau trapu Oarso Bidasora. Asteburu honetan liga guztiek izango dituzte estropadak, eta aurreko aste bukaerakoa errepikatzea zaila suerta daitekeen arren, egingarria da. Beharbada beste izen batzuekin, baina egingarria.
Honakoa da iristear den astebururako traineruen estropaden kartelera
Eusko Label Liga (Hondarribia da Oarso Bidasoko ordezkaria)
- Bihar (larunbata), 18:23an hasita, Getxoko XLIV. Ikurrina.
- Etzi (igandea), 12:13an, Lekeition, El Correo XXXVII. Ikurrina.
EuskoTren Liga (Ez dago Oarso Bidasoko ordezkaririk)
- Bihar (larunbata) 17:50an, Getxoko XIV. Ikurrina.
- Etzi (igandea), 11:40an, Lekeition, XI. EuskoTren Bandera.
ETE Liga (Hibaika eta Hondarribia dira Oarso Bidasoko ordezkariak)
- Bihar (larunbata), 17:15ean, Camargoko II. Bandera.
KAE1 Liga (San Pedro, San Juan eta Hondarribia B dira Oarso Bidasoko ordezkariak)
- Bihar (larunbata) 17:15ean, Camargoko XXX. Bandera.
KAE2 Liga (Hibaika eta Trintxerpe-Illunbe dira Oarso Bidasoko ordezkariak)
- Bihar, 16:00etan, Astilleroko XVIII. Bandera.