Kristalezko botila batekin ebakiak egiteagatik gizon bat atxilotu dute Irunen
20 urteko gizon bat atxilotu dute, lesio delitua leporatuta. Irungo erdigunean izan zen erasoa, astelehenean.
ertzaintza, ertzaina Gion bat atxilotu dute Irunen, kristalezko botila batekin beste gizonezko bati ebakiak egitea leporatuta. Astelehenean izan zen atxiloketa, arratsaldez, hiriko erdigunean. Herritar batek SOS Deiak 112 larrialdietako telefono zenbakira deitu zuen, hainbat lagun borrokan ari zirela esanez.
Ertzaintzaren patruila bat bertaratu zen. Bi lagunak banandu eta ustezko erasotzailea identifikatu zuten agenteek orduan, 20 urteko gatea, lesio delitua leporatuta.
Lekukoen arabera, eztabaidaren ostean atxilotutako gizonak eskuan zeraman kristalezko botila hautsi batekin erasotu zuen bestea, eta biak banantzeko tartean sartutako zenbait lagunei ere ebakiak egin zizkien. Biktimetako bat eskualdeko ospitalean artatu behar izan zuten. Atxilotutako gizona polizia egoitzara eraman zuten, eta dagoeneko agintari judizialaren eskuetan utzi dute.
