Euskara arloko diru laguntzak irailaren 15era arte eska daitezke
Euskararen erabilera sustatzen duten ekintzen laguntza ekonomikoa jaso ahalko dute ikastetxe, elkarte, herritar, establezimendu eta bestelako negozioek.
Kanpoko errotulazioa euskaratutako establezimenduek 1.800 euroko diru laguntza jasoko dute. 
Irailaren 15era arte egongo da zabalik euskara arloko diru laguntza eskatzeko epea. Herritarrek BAZen zein udalaren webgunearen bidez egin ahal izango dute eskaera, eta elkarte, entitate edo ikastetxeek webgunearen bidez halabeharrez.
Berritasun moduan, aurten euskalduntze eta alfabetatze ikastaroak egin dituzten herritarrei zuzendutako laguntza bikoiztu baina gehiago egin dutela iragarri du Maria Serrano Euskara zinegotziak, 7.000 eurotik 17.000ra igaro delarik.
Euskara Batzordeak aztertuko ditu hizkuntzaren erabilera sustatzen duten ekintzen laguntza ekonomikoak, eta guztira 37.600 euro banatuko ditu udalak. Onuradunak honakoak izan daitezke:
- 9.800 euro jasoko dituzte 16 urtetik beherakoentzat udako ikastaroak antolatzen dituzten ikastetxeek.
- 7.000 euro jasoko dituzte euskara sustatzeko ekintzak antolatu dituzten talde edo elkarteek.
- 17.000 euro jasoko dituzte euskalduntze eta alfabetatze ikastaroak egin dituzten 16 urtetik gorako herritarrek, baita euskarazko barnetegi edo ikastaroetara joandako herritarrek ere.
- 1.800 euro jasoko dituzte kanpoko errotulazioa euskaratutako establezimenduek.
- 2.000 euro jasoko dituzte webgunea euskaratutakoek.
