Kutsatzeek behera egin badute ere, 1.000tik gorako tasa dute Hondarribia eta Irunek
Behera egin du kutsatzeen kopuruak aurreko asteburuarekin alderatuta Irunen kasuan, baina tasak 1.000tik gorakoa izaten jarraitzen du, baita Hondarribian ere.
1.000tik gorakoa da tasa Irun eta Hondarribian. Arnas pixka bat eman du COVID-19ak Hondarribian eta Irunen, aurreko asteburuarekin alderatuta. Dezente positibo gutxiago zenbatu dituzte bi herrietan asteburu honetan; 144 izan dira eta aurreko asteburuan 193 izan ziren.
Hala ere, Irunen izan da jaitsiera hori. Hondarribian gora egin du kutsatuen kopuruak aurreko astearekin alderatuta, ostiraletik igandera 42 zenbatu dituzte. Aurreko asteburuan, 36 izan ziren.
Aldea positiboetan izan da Irunen, baina tasak berriz ere antzeko jarraitzen du herri horren kasuan 1.089,56koa da atzoko datuen arabera. Hondarribian berriz, 1.000ko langa gainditu du eta atzokoan 1.083,37koa zen tasa hori.
- Irun. Tasa: 1.089,56 (hilaren 18ko igandean 1.053koa zen). Positiboak (ostirala-larunbata-igandea): 36-46-20.
- Hondarribia. Tasa: 1.083,37 (hilaren 18ko igandean 853koa zen). Positiboak (ostirala-larunbata-igandea): 16-16-10.
