Artaleku kaleko trafikoa, bihartik zabalik
Ekainaren 23an izandako luizi batengatik moztuta egon da. Dena den, oinezkoen pasabideak moztuta jarraituko du beste bi astez gutxienez.
Joan den ekainaren 23an luizi bat izan zen Artaleku kalean, inguru horretan egiten ari diren obren alboan. Ondorioz, ibilgailuen zirkulazioa eta oinezkoen pasabidea moztuta egon dira Aldapeta kaletik, Kale Nagusiarekiko elkargunean.
Bada, bihartik (hilak 8) aurrera, autoentzako erabilgarri egongo da berriro. Lerratutako lurra kendu dute, eta luiziaren tokian bideari eta espaloiari eusteko harri lubeta hormigoitu egin dute. Orain, espaloia konpontzeko lur jausiak kaltetutako zerbitzuak konpondu behar dituzte, hala bola ur hodia, argien eta farolen kanalizazioak eta telefonoa kanalizazioa.
Trafikoa berreskuratuko duten arren, oinezkoen pasabideak moztuta jarraituko du beste bi astez gutxienez. Lan horiek egin bitartean, luiziaren parean, espaloiaren kontrako aldeko aparkaleku lerrotik bideratuko dute trafikoa. Beraz, Artaleku kaleko oinezkoen joan-etorriak moztuta jarraituko du, eta Gipuzkoa hiribidetik egiten jarraitu beharko da anbulatorioaren eta kiroldegiaren arteko ibilbidea.
Artaleku kalea ibilgailuentzat irekitzean, bertan behera geratuko dira egun hauetan gaitu diren desbideratzeak.