Euskadiko Ikasleen Jazz Orkestra, Irunen
Euskal musika tradizionala eta Big Band-en sonoritatea fusionatuko dituzte. Interpreteen artean irundar bat ariko da, Ander Alkain.
![](https://bidasoa.hitza.eus/site/files/2021/07/eijo.jpg)
Etzi (hilak 4) Euskadiko Ikasleen Jazz Orkestrak kontzertua eskainiko du Irunen, Amaia Kultur Zentroan. Hogeita hamar bat musikari igoko dira oholtzara, Alain Sanchoren zuzendaritzapean.
Orotara, 75 minutuko Big Band-eko obren errepertorioa eskainiko dute, honako instrumentuekin: alboka, txistua eta trikitia. Kultura sailetik azaldu dutenez, euskal musika tradizionala eta Big Band-en sonoritatea fusionatuko dituzte. Interpreteen artean gainera, irundar bat ariko da, Ander Alkain.
Saioa 19:00etan hasiko dute, eta sarrerak gonbidapenarekin eskuratu beharko dira, esteka honetan. Lagun bakoitzak gehienez bi sarrera eskuratu ahalko ditu.